Šaka jada i mižerija…

Najčitanije vijesti

Vezane vijesti

Zadnji recepti

Najnoviji videi

Igre, igrice

Vijesti 1

Vijesti 2

Biće humanitarni akcija i pomaganja beskučnicima, mukte fritule oli fažol a fine dame iz tzv. "ugledni familija" če se ka ono trudit da siromajima budu koliko toliko sritni prosinački dani. Dilu se božićnice, eno čitan da se aerodrom Kaštela lipo mašija u takujin a jopet če se stvarat file isprid šaltera di če puk sa bokun karte o zanje crkavice oli ti penzije doč do šaltera i vazet 100 kuna, ma u kojem mi svitu živimo da smo spali na to.

Oni tipovi u dugin mantijama če puku ponovo prićat otrcanu priću o temo da tribamo bit dobri prima bližnjeme svome, pomagat potrebite i bit skroman a puk če ka i lani klimat glavon i obečat da če bit najboji đaci u njiovome razredu a oni u dugin mantijama i oni ča gucaju sve ča in se govori če jemat fige u žepu. A da se malo boje sve ovo oko nas organizira nebi nan to tribalo, nebi jemali ovoliko siromaji i mižerije, nebi nan se penšjunati muvali okolo kontejnera i sa bokun ščapa vadili boce i onda bi take humanitarne akcije bile zanemarujuče.

Ako nismo u stanju dan nan deboto četiri i po milijuna judi živi po miri čovika onda nan je boje da sve pošajemo u niku stvar. A ovi ča su pobjedili na izborima jemaju zanju šansu da nas izvuku iz gliba, a to oče li uspit e to čemo još vidit. Ma ne ide mi u glavu da jedni drugima petajemo roge, jedni drugoga izrabjujemo, da jemamo strašno puno "ugledni" lupeža a mogli bi bit primjer cilome svitu, mala šesna država, ovako bogata, sa ovoliko raznolikoga svita bi tribala bit misto za ugodan, socijalan, tolerantan i harmoničan život. Znan da čete reć, vidi idealiste oli ne vidiš ča je oko nas, ma vidin ja, vidin. A sad svitu moj ja se gren počet pripremat za prosinačko ludilo, bilo bi dobro nabavit lipu debelu tuku pa onda kupit unucima darove, namirit jubavnicu, sve se mislin bili s njon iša na krstarenje po Mediteranu oli da se zaletimo do Alpa a možda do Amsterdama i normalo da to moran reć svima koji me znadu jerbo nije interesantno ka to niko nezna a tako van je i sa davanjen lemoze i tzv. humanitarnon lavuron, ma nima tu diskrecije, svitu moj vaja doč u foje, triba se o temu govorit, vaja se pofalit ko prijateja. Ne svitu moj meni su najdraži oni ča muče i u dubokoj anonimnosti činidu ono u ča su se zavitovali ali oni nisu interesantni ni žutin fojima ni plavin oli crvenin političarima.
Nek van ovi nadolazeči blagdanski dani budu po miri i pogledajte se koji put u zrcalo onako reda radi da vidite istinu.

uvik viran dalmaciji

--
http://dalmacija.kovacevic.nl