Šaka jada i ko more ovo fermat

Najčitanije vijesti

Vezane vijesti

Zadnji recepti

Najnoviji videi

Igre, igrice

Vijesti 1

Vijesti 2

Teme su uvik iste, kako proživit do kraja miseca sa ono crkavice ča se dobije.

Ajde jema nas koji nimaju ti problema jerbo jer nas je tako život naučija, ipak smo mi generacija koja se rodila taman nakon rata onega veloga, onega krvavoga rata nakon kojega smo iz primitivne i zaostale sredine se razvili u kakvo takvo blagostanje tako da se svaki dinar i svaka kuna dva puta okrenila prije nego s potrošila. Bilo je onda manje sloboda ali je zato bilo i manje stresa. Bilo je više socijalne sigurnosti i više nestašica, pa jesmo li bili zadovojniji ? kako ko, ali ka se malo vratimo unazad i ka se napravi analiza života malega čovika onda bi se svi mi iza uva počešali i rekli jebiga, nije bilo siromaji ka sad a nije bilo ni bogatuna ka sad. Ma puno san se zaletija unazad, znan ja uvik vaja gledat naprid jerbo je tamo svitla budučnost a to nan triba svitla i bogata budučnost. Hm,...

Evo ču se ošervat na razgovor koji san čuja u oneme društvu. Govori mi jedna prija da jon je čer bolesna i da jema fibru a čer se boji vazet bolovanje jerbo ka se vrati sa bolovanja dobit če otkaz. Ma kako to otkaz pitan je. Je to je tako, svaka ženska koja do sad bila na bolovanju je dobila otkaz, to ti je zakon selekcije samo zdravi, mladi i firmi odani judi mogu lavurat. Ako je ko koji put prilađen oli jema upalu sinusa i ča ti ga ja znan e ti dobije nogu u guicu jerbo je još stotine ženski koje bi umisto nje tile zaradit koju crkavicu. A firma je u jedneme šoping centru u tzv. gradu između Solina i Stobreča.             

I još ja pomalo naivan rečen a di su sindikati di je kolektivni ugovor i oma san se ugriza za jezik jerbo san prvo triba promislit ča govorin ali eto omaklo mi se. Da ironije bude veča muž od čere jon radi u državnoj firmi i ako je bolestan onda gre na bolovanje ka ča je u demokratskome svitu najnormalnija stvar. Kaže mi prija, gren doma pa ču prihvatit dicu iz škole i dat in jist a čer nek leži i bar ono vrime dok je doma pokuša da se izliči.

Meni sve ovo strašno smrdi a ne vidin njanci ikakve mogučnosti da dođe do promina.

Možda niki novi vitrovi koji kukuriču oli ova najnovija koalicija one na vlasti i onega tipa koji vodi oni grad izmađu Solina i Stobreča ko zna. Možda Don Ivan sa svojin programom Nove Rvacke.              

Pitan se znamo li koliko smo mi svi krivi da je došlo do ovakega života, satrali su nas sa jubavi prima Domovini tako da smo kroz tu jubav izgubili sva prava...uostalome FT je reka, ka su se profešuri i učiteji prije puno godin bunili da su slabo plačeni, ma ča se bunite pa dobili ste Rvacku oli van to ni dosta.

uvik viran dalmaciji
--
http://dalmacija.kovacevic.nl