Šaka jada i kako čemo naprid

Najčitanije vijesti

Vezane vijesti

Zadnji recepti

Najnoviji videi

Igre, igrice

Vijesti 1

Vijesti 2

Dok se cili svit trese od veli financijski problema i ka su se Ameri zaprepastili sa korekcijon njiovih triple A, dotle se naši političari bave izlizanin govorima i itanjen blata na opoziciju.

Ma da je to nika argumentacija, onda bi čovik reka, je tako je ko van je kriv da ne znate vodite državu i zato je mi vodimo ali ovod je problem da ovi ča su sad na vlasti ustvari nimaju pojma o svemu temu, ma ništa od ekonomije niti slovo e samo se prodaje jeftina demagogija, nikako da se oslobode ti pritisaka, ma znaju oni da ne triba puku puno govorit o problemima u državi bitno je da puk zna da nan susidi prave sranja i na to vaja odma odgovorit...uvik san reka metlu i škovaceru u ruke i prvo sredit svoj dvor...a tek ovi odnos prima radnicima Dalmacijavina, Adriachema, Željezare, škverova i svi ostali firmi di država jema svoje krake je najblaže rečeno ponižavajuči...da nan ni turizma bili bi gladni kruva a baš u turizmu koji bi bija vezan za pojoprivredu, ribarstvo, vinogradarstvo i maslinarstvo bi nan tribala bit šansa razvitka bar ovod u Dalmaciji.
Brez obzira na financijsko stanje u EU svit če i daje putovat a mi smo in destinacija jušto po miri, najbliže smo teplo more, sami sebi znamo tepat da je ovod puno lipo, cine su ajmo reč konkurentne, jemamo lipo vrime a i puk  koji se bavi ton lavuro je posta puno jubazniji...

....u toj ciloj prići, kako s zna reć, triba dobro potkresat birokraciju i uvest puno poslovne dinamike u turizam, smanjit namete  i dat šansu da se more investirat u kvalitetu turizma...ta če se lova ionako vratit nazad u društvo na bilo koji način...nasmija san se prije par dana kad je jedan Španjolski biznismen u Sinju dobija sve papire u roku od tri dana da bi moga započet firmu prerade ribe...pitan se ko koga ovod zajebaje u zdrav mozak...u Sinju u tri dana, u Dugopoju u misec dana a u ostala mista godina dan i više oli nikad, ma u kojoj smo mi državi kako je moguče da su nan potencijalni investitori utekli u susidne države a nama je osta škarat.

Di su te radne zone, disu ti planovi, pitan se jeli konačno sazrilo vrime da u graskin resorima budu zaposleni kvalitetni ekonomisti brez politike iza sebe i to judi koji jemaju petju koji znaju ča je rizik i ča je poslovna mudrost, sve dok nan politički fosili, karijeristi, populisti budu vodili gradove i mista neče bit napretka, osin se svake šetimane litravat po fojima i na ribarskin feštama...to najboje kuri...vrime je da se konačno napravi stimulativni plan razvitka da se privuću investitori, jerbo ovako daje ne more.

uvik viran dalmaciji

http://dalmacija.kovacevic.nl/