Šaka jada i dvi, tri, četiri…Hrvatske…

Najčitanije vijesti

Vezane vijesti

Zadnji recepti

Najnoviji videi

Igre, igrice

Vijesti 1

Vijesti 2

U našoj javnosti je uvik ka je vrime o'državni blagdana ogromna polarizacija, ma take polarizacije nima nidi na svitu.

Jedan grad oli misto slavi dan antifašističke borbe a drugi ga ne obadaje.                                         

Na dan državnosti u jednem gradu oli mistu se daju trizni govori a u drugeme se ita sa blaton.   

Mnogi visoki tzv. dužnosnici daju patetične izjave i kunu se u jedinstvo naši građana, ali sa figama u žepu.
Velika iznimka u svojin izjavama je naš Predsjednik, ali je on bidan vapaj u pustinji beznađa.

Prije petnaestak godin, oli malo više, je postala moda da se iz naftalina izvuču Krešimiri, Tomislavi, Branimiri, Zvonimiri, Trpimiri i ostali koji su u davna vrimena "volili" svoj narod da je bila divota, ma sve su pod nijovon vlašču bili "bogatuni do bogatuna" ma niti nijanci jednega kmeta oli siromaja...ali eto to je bilo davno tako da in se ne more ništa pripetavat, jedino virujemo da su bili dobri jerbo su jemali i tili jemat državu...za kmetove oli za se.

Početkon devedeseti godin je postala moda da sve ono ča je bilo za vrime federacije južnoslavenski naroda nevaja. Na pustin internet portalima se ostavjaju take izjave da ti se diže u štumiku, te izjave su kontra njiovega oca, dide, barbe, babe, tete, matere, brata, sestre i ondašnjega našeg dila federacije...ajde našlo bi se još tega.
I najgore je da to večinon pišu zelenbači koji nisu pročitali niti jedan libar niti su ikad sa svojin mozgon razmišjali.
 

Pitan se jeli došlo vrime da se sastanu mudre, pametne, apolitičke, trizne i tolerantne glave pa da napravidu jedan Hrvatski manifest...nemojte sad zelenbači da mi pripetajete da se navlačin na komunizam, eto meni je ovo tako prikladna rić...da bi se ti manifest napisa tribamo sve te pametne glave pustit na miru pa nek radidu na temu manifestu a mi se dok manifest ne bude gotov moremo uvatit prišnijega posla.
I onda jednega lipega dana se ta ekipa o'domače pameti vrati u javnost i dade nan Hrvatski manifest koji če nan bit katarza našega života, naši ratova, naše povjesti, naši vladara i siguran vodič u našu budučnost. A da taki judi jema u Hrvatsko u to san siguran.