Šaka jada i novi ambasadori

Najčitanije vijesti

Vezane vijesti

Zadnji recepti

Najnoviji videi

Igre, igrice

Vijesti 1

Vijesti 2

Svitu moj ma koja je ovo trakavica, eto oni mali, ajme skužajte Ministar, iz Ministarstva VP se malo uspuva i računa ja ču to sredit dok nisi reka keks, meknit ču na brzinu pet do dvanajst nike nove ambasadore prije nego potonemo na izborima, jerbo se bar tako more produžit ista vanjska politika koja nas je vukla od rata.

Lipo mekneš ambasadora kraj Obame oli kraj kojega svitskega političara od veloga kalibra i eto ti neprimjetnoga kočenja na duge staze. A do četiri godine su jopet, Zna se naši pobjednički izbori, pod uvjetom da bi ovi koalicijski pivci, koji su mirni ka patkice, krajen godine pobjedili, ali eto niko ne zna ča če bit do četiri godine a pošto je tamo ambasador "naš čovik" i "mi" smo ponovo na vlasti e onda če bit puno laške.
Bar ja ovako te stvari vidin. Daleko smo mi od profesionalizma u diplomaciji jerbo je kod nji bilo i previše afera da bi in mi virovali.

Neču se mišat u pravnu problematiku ko jema više prava oni mali, ajme skužajte Ministar, iz ministarstva VP oli Predsjednik RH ali osobno mislin da bi mali, ajme skužajte Ministar, triba činit kuco. Ambasadori predstavjaju cilu RH a ne jednu partiju i to je to, pamet uglavu na kraju sve vaja dobro izvagat i onda reć ti i ti če bit ambasadori RH.

Eto, kako se vidi, izborna tekma je počela i itanje blaton je počelo a sve mi se pari da če jesen bit pravo zrcalo "političke kulture", živi bili pa dočekali.
Evo bi na kraju još tija iskoristit moju slobodicu pisanja da Don Ivanu Grubišiću zaželin puno zdravja i prinesen žeje mnogi pučana da se uvati lavure, jerbo doma sidit nije za njega...Don Ivane puk vas čeka.

uvik viran dalmaciji

http://dalmacija.kovacevic.nl/